風水命理開運專家

		雜誌名稱：快週刊刊登日期：2009年3月31日文章主題：陳冠希恐有大劫

　　衰成咁，皆因希哥命犯「刑害殺星」，註定陀衰家，據風水學家區仲德師傅解釋：「佢條命好易害到身邊ｏ既女性，仲會影響到屋企人行衰運。」咁都未算，區師傅更到希哥喺年中有大劫，分分鐘有生命之危，好邪呀！

刑害殺星

　　陳家多災多難，或許因陳冠希壞命，區仲德師傅指出：「佢命格忌水，但呢幾年正正行緊水運，令佢本身粒『刑害殺星』有更大殺傷力，唔單止好易害到身邊ｏ既女性，仲會影響到屋企人行衰運，就算簡單到同朋友做生意，都肯定悲劇收場，可以咁講，邊個黐埋去都會好麻煩。」

　　而經區師傅再三推算，亦發現陳冠希大劫將至，「踏入年中，尤其去到農曆7、8月，佢會有一個不測之災，輕則身體受傷，重則分分鐘生命有危險。」