屬蛇嘅朋友，喺2022年屬於刑破年，即係暗破太歲有麻煩，由於有一粒『勾神星』入侵，正所謂『勾星傷人，刑傷難免』。所以，2022年各位蛇仔蛇女應該會覺得，口舌是非特別嚴重，患病機會大增。

　　事業方面，受到『貫索』陷害星的侵害，令您與親友容易產生不和，情緒變化不定，好在有粒『太陰』吉星關照住，您處事態度若能心平氣和，凡事以和為貴，自然可以令事業同埋權力步步高升，取得突破性嘅發展。 

　　喺財運方面，因為有粒『太陰』吉星入命，容易賺取外地之財，咁就要勤勤力力啦！ 

　　桃花運方面，由於『孤辰』凶星的出現，您身邊嘅伴侶會突然脾氣轉差，情緒不穩，心神不定，從而產生爭拗不和，令您經常大喊一場！ 

　　健康方面，因為有『六害』兇星嘅出現，要特別小心容易被金屬器械所傷，提防車船失跌之危或遭受病疾纏擾。故此，搭車、搭船都要小心留意，以策安全！ 

　　雖然屬蛇嘅朋友喺2022年，似乎唔係好夠順利，經常勞而無功，可以用以下布局來化解吓！2022年嘅病符星喺屋嘅西南方，放一個化病能量銅葫蘆，吸走曬Ｄ病氣，病痛就會少咗喇！此外，袋多個貴人能量金牌喺身邊，確保安康，自然求財嘅運氣就會好番曬！